Şirkət
«Sütun İnşaat» MMC 2009-cu ildən Bakıda və regionlarda baş podratçı kimi işləyir. Aşağıda kim olduğumuz, hansı sənədlərlə və hansı texnika ilə tikdiyimiz yazılıb.
Briqadadan baş podratçıya
Sütun İnşaat 2009-cu ildə dörd mühəndisin qurduğu briqadadan başlayıb. İlk obyektimiz Binəqədidə 1 200 m²-lik anbar idi; o anbar bu gün də işləyir və sahibi sonradan bizə daha iki obyekt sifariş edib.
2014-cü ildə Sumqayıtda metal konstruksiya sexi açdıq, 2017-ci ildə beton laboratoriyasını qurduq. 2019-cu ildən çoxmərtəbəli binalarda baş podratçı kimi işləyirik.
Böyümək üçün subpodratçı sayını artırmadıq, öz briqadalarımızı böyütdük. Karkası, fasadı və mühəndis sistemlərini öz adamlarımız görür: işin keyfiyyətinə də, qrafikinə də biz cavab veririk.
- Təsis ili
- 2009
- Təhvil verilmiş obyekt
- 94
- Tikilmiş sahə
- 412 000 m²
- Heyət
- 236 nəfər, 31-i mühəndis
- Öz texnikası
- 43 ədəd
- Hazırda tikilən
- 6 obyekt
Rəhbərlik
Rəşad Əliyev
Direktor, təsisçi
İnşaat mühəndisi, 24 il təcrübə. Müqavilələrə və sifarişçilərlə işə cavabdehdir.
Elçin Məmmədov
Baş mühəndis
Konstruktor, 19 il təcrübə. Bütün sahələrdə texniki qərarlar və keyfiyyət ondadır.
Tural Həsənli
Smeta və təchizat şöbəsinin rəhbəri
Smetaları hazırlayır, material alışına və qiymətlərin sabit qalmasına baxır.
Lisenziya və sertifikatlar
Sənədlərin surətini təklif zərfinə əlavə edirik. Əslini ofisdə göstəririk.
| Sənəd | Nömrə | Qüvvədədir |
|---|---|---|
| Tikinti-quraşdırma işlərinə lisenziya (I məsuliyyət səviyyəli binalar) | № TQ-004817 | müddətsiz |
| Layihələndirmə işlərinə lisenziya | № LY-002264 | müddətsiz |
| ISO 9001:2015, keyfiyyətin idarə edilməsi | № AZ-Q-1193 | 2028-ci ilin martınadək |
| ISO 45001:2018, əməyin mühafizəsi | № AZ-S-0547 | 2028-ci ilin martınadək |
| Beton sınaq laboratoriyasının akkreditasiya attestatı | № AZ-L-0338 | 2027-ci ilin iyununadək |
Texnika parkı
Texnika icarəyə götürülmür, özümüzündür. Buna görə sahədə iş kranın və ya nasosun boşalmasını gözləmir.
- Qülləli kranlar, 8–12 ton
- 5
- Avtokranlar, 25–50 ton
- 4
- Ekskavatorlar və buldozerlər
- 9
- Beton nasosları
- 3
- Özüboşaldan və bortlu yük maşınları
- 14
- Qəlib dəstləri, m²
- 11 500
Sahədə təhlükəsizlik
Hər sahədə əməyin mühafizəsi üzrə ayrıca mühəndis işləyir. Fəhlə təlimatsız və dəbilqəsiz sahəyə buraxılmır, hündürlükdə iş yalnız sığorta kəməri ilə görülür. Son 5 ildə ağır xəsarətli qəza olmayıb.
Obyektiniz üçün smeta alın
Layihəni göndərin və ya sahəyə baxış sifariş edin. Smeta və iş qrafiki 5 iş günündə hazır olur, baxış pulsuzdur.