Radar və parkinq cəriməsi gələndə nə olur

Kamera nömrəni çəkir, cərimə isə avtomobilin qeydiyyatda olduğu şirkətin adına yazılır. Bizə adətən 1–⁠3 həftə sonra çatır. O vaxta çox vaxt avtomobil qaytarılıb, depozit geri verilib, bəzən qonağımız artıq evə uçub.

Cərimə gələndə nə edirik

1. Cərimənin tarixini və saatını müqavilələrlə tutuşdururuq: həmin an avtomobil kimdə olub.
2. Kameranın şəklini və ödəniş məlumatlarını müqavilədəki nömrəyə WhatsApp-⁠da göndəririk.
3. Siz cəriməni onlayn özünüz ödəyirsiniz və qəbzin şəklini bizə yazırsınız.

Cəriməni depozitdən tutmuruq və sizin əvəzinizə ödəmirik. Ödənilməyən cərimə üçün ayrıca hesab göndəririk. Şirkətlərə gələn cərimələr həm də aylıq hesabatda göstərilir.

Şəkildəki avtomobil və ya vaxt sizin icarənizə uyğun gəlmirsə, bizə yazın. Müqaviləni və təhvil vaxtını yoxlayırıq; cərimə sizə aid deyilsə, onu özümüz həll edirik.

Niyə müqavilədə hər sürücünün adı yazılır

Cərimə avtomobilə yazılır, kimin sürdüyünü isə müqavilə göstərir. Avtomobili yoldaşınız da sürəcəksə, onu əlavə sürücü kimi yazdırın: bu pulsuzdur, tələblər isə eynidir, ən azı 21 yaş və 2 il staj, bəzi siniflərdə daha çox.

Müqavilədə adı olmayan adama sükanı vermək qadağandır. Versəniz də, cavabdehlik müqaviləni imzalayan şəxsdə qalır: cərimə də, zərər də ona aiddir.

Şirkət müqaviləsində bir avtomobili bir neçə əməkdaş sürə bilər. Hər birini müqaviləyə yazırıq: cərimə gələndə həmin gün kimin sükan arxasında olduğunu şirkətin özü bilməlidir, biz yox.

Cərimə almamaq üçün

Bunlar qanunun mətni deyil, müştərilərimizə verdiyimiz məsləhətlərdir:

• Sürəti yol nişanında yazılan həddə saxlayın. Hədd şəhərdə və şəhərdən çıxanda tez-⁠tez dəyişir; naviqatora yox, nişana baxın.
• Trassada kruiz-kontrolu nişandakı həddə qurun. Parkda bunlardan başqa hamısında var: Hyundai Accent və Kia Rio.
• Mərkəzdə küçə kənarında dayanmazdan əvvəl ödənişli parkinq nişanına baxın. Əmin deyilsinizsə, ticarət mərkəzinin və ya otelin dayanacağına qoyun.
• Mərkəzdə çox dayanacaqsınızsa və şəhəri tanımırsınızsa, avtomobili sürücü ilə götürün: parkinq yerini o tapır. Bakıda sürücü gündə 70 ₼-⁠dır.