1 oktyabrdan payız menyusuna keçdik. Menyu ildə dörd dəfə, fəsillə dəyişir: bazarda nə təzədirsə, onu bişiririk. Hər fəslin menyusu dörd həftəlik dövrədir, yəni eyni nahar ayda bir dəfə təkrarlanır.
Nə gəldi, nə getdi
Çərşənbə şorbası
- Yayda
- tərəvəz şorbası
- Payızda
- balqabaq şorbası
Cümə şorbası
- Yayda
- soyuq dovğa
- Payızda
- isti dovğa
Salat
- Yayda
- xiyar və pomidor
- Payızda
- kələm, yerkökü, bişmiş çuğundur
Kompot
- Yayda
- gilas və ərik
- Payızda
- heyva, alma, quru meyvə
Günorta içkisi
- Yayda
- ayran, kefir
- Payızda
- kefir, itburnu çayı, isti süd
Meyvə
- Yayda
- qarpız, şaftalı, gilas
- Payızda
- alma, armud, banan
Balqabaq şorbasını ilk həftə uşaqların yarısı yemədi. İkinci həftə aşpaz onu yerkökü ilə qarışdırdı və üstünə suxarı qoydu: boşqablar boş qayıtdı. Yeni yeməyi adətən belə, iki-üç cəhddən sonra qəbul edirlər, ona görə birinci dəfədən menyudan çıxarmırıq.
Porsiyalar yaşa görədir
- Şorba
- 150 q / 200 q
- 2–3 yaş / 5–6 yaş
- İkinci yemək
- 120 q / 160 q
- ət, toyuq və ya balıq qarnirlə
- Salat
- 40 q / 60 q
- Kompot
- 150 ml / 180 ml
- az şəkərli, özümüz bişiririk
Tam gün qalan uşaq günlük qidasının təxminən dörddə üçünü bağçada alır. Əlavə istəyən uşağa şorba və qarnirdən əlavə veririk; şirniyyatdan əlavə vermirik.
Evdə nə etmək olar
- Səhər evdə yedirtməyin: uşaq 09:00-da bağçada yeyir, tox gələn uşaq sıyığa toxunmur.
- Axşam yeməyini yüngül saxlayın: tərəvəz, qatıq, yumurta. Ət və şorba naharda olub.
- Həftəsonu rejimi pozmayın: nahar 12:30–13:00, sonra yuxu.
- Allergiya və ya pəhriz dəyişibsə, tərbiyəçiyə yox, tibb bacısına yazılı bildirin: o, mətbəxə ötürür.
