Sentyabrda Gilas qrupuna doqquz yeni uşaq gəldi. Hər biri üçün ayrıca plan yazdıq, amma planların hamısı eyni qaydaya söykənir: uşaq bağçada qaldığı vaxtı özü yox, biz artırırıq, və yalnız əvvəlki addımı sakit keçəndən sonra.
Gün-gün plan
1–2
- Uşaq nə qədər qalır
- 2 saat: 09:30–11:30, oyun və gəzinti
- Valideyn
- dəhlizdə gözləyir
3–5
- Uşaq nə qədər qalır
- 3 saat: səhər yeməyindən gəzintinin sonunadək
- Valideyn
- gedir, telefonu açıqdır
6–8
- Uşaq nə qədər qalır
- nahara qədər: 08:30–12:45
- Valideyn
- nahardan sonra götürür
9–10
- Uşaq nə qədər qalır
- nahar və yuxu: 15:30-dək
- Valideyn
- yuxudan sonra götürür
11-ci gündən
- Uşaq nə qədər qalır
- tam gün
- Valideyn
- adi rejim
Bu cədvəl orta haldır. Bəzi uşaqlar beşinci gün yatmağa qalır, bəziləri üçün nahar mərhələsi iki həftə çəkir. Hər axşam sizə yazıram: uşaq nə yedi, nə qədər ağladı, nə ilə oynadı. Növbəti günün planını bu qeydə görə birlikdə qərarlaşdırırıq.
İkinci həftə niyə çətin olur
Birinci həftə uşaq üçün hər şey yenidir: oyuncaqlar, həyət, başqa uşaqlar. İkinci həftə o anlayır ki, bu, bir dəfəlik qonaqlıq deyil, hər səhər olacaq. Buna görə səkkizinci-doqquzuncu gün birinci gündən çox ağlamaq normaldır və geri addım deyil.
Bu günlərdə planı uzatmırıq, amma qısaltmırıq da. Uşağı həmin gün evdə saxlamaq növbəti səhəri daha da çətinləşdirir.
Valideynin edə biləcəyi beş şey
- Qapıda vidalaşma bir dəqiqədən uzun çəkməsin: öpün, nə vaxt gələcəyinizi uşağın anladığı dildə deyin («nahardan sonra»), gedin. Uzanan vidalaşma ağlamanı uzadır.
- Gizlincə getməyin. Uşaq dönüb sizi görməyəndə növbəti gün əlinizi buraxmayacaq.
- Evdə rejimi bağçanınkına yaxınlaşdırın: saat 13:00-da günorta yuxusu, 21:00-da gecə yuxusu. Bunu bağçadan bir-iki həftə əvvəl başlamaq daha yaxşıdır.
- Evdən bir əşya verin: yumşaq oyuncaq, kiçik yaylıq. Yuxu vaxtı çarpayısında olacaq.
- İlk ay evdə başqa böyük dəyişiklik etməyin: bezdən ayırmaq, əmziyi götürmək, yeni otağa köçürmək gözləyə bilər.
