Təhsil pillələri
Hazırlıq sinfindən 11-ci sinfədək dörd pillə. Hər pillədə Azərbaycan və rus bölməsi var, ingilis dili hər ikisində eyni saatdadır.
Hazırlıq sinfi
5–6 yaş
Hazırlıq sinfinə 15 sentyabra 5 yaşı tamam olan uşaqlar qəbul olunur. Qrupda 16 uşaq və iki böyük olur: müəllim və köməkçi. Gün 09:00-da başlayır, 15:00-da bitir; dərslər 30 dəqiqədir, aralarında hərəkətli oyunlar, həyətdə gəzinti və nahar.
- Yaş
- 15 sentyabra 5 yaş tamam olmalıdır
- Qrup
- 16 uşaq, müəllim və köməkçi
- Gün
- 09:00–15:00, istəyə görə 18:00-dək
- Dərs
- 30 dəqiqə
İbtidai siniflər
1–4-cü siniflər
1–4-cü siniflərdə hər sinfin öz sinif müəllimi var: ana dilini, riyaziyyatı və həyat bilgisini o keçir və uşaqları dörd il aparır. İngilis dili, informatika, musiqi, rəsm, bədən tərbiyəsi və şahmatı fənn müəllimləri keçir.
- Sinif
- 20 nəfərədək, orta hesabla 18
- Dərs
- 45 dəqiqə, 1-ci sinifdə 40
- İngilis dili
- Həftədə 5 saat
- Ev tapşırığı
- 1-ci sinifdə yoxdur, sonra 40 dəqiqəyədək
Orta siniflər
5–9-cu siniflər
5-ci sinifdən hər fənni ayrı müəllim keçir, dərslər fənn kabinetlərində olur: fizika, kimya və biologiya üçün üç laboratoriya, iki kompüter otağı var. Sinif rəhbəri qalır: valideynlə əlaqəni o saxlayır və hər yarımilin sonunda şagirdin bütün fənlər üzrə vəziyyətini bir görüşdə izah edir.
- Sinif
- 20 nəfərədək, ingilis dili 10 nəfərlik qruplarla
- Gün
- 7 dərs, 08:30–15:05
- İkinci xarici dil
- 7-ci sinifdən, alman və ya fransız
- Laboratoriya
- Fizika, kimya, biologiya
Yuxarı siniflər
10–11-ci siniflər
10-cu sinifdə şagird dövlət qəbul imtahanının dörd qrupundan birini seçir və həmin fənlər həftədə əlavə 6 saat keçir. Qruplar 8-dən 16 nəfərədək olur; 8 nəfərdən az şagird seçən qrupun fənləri fərdi cədvəllə keçir.
- İxtisas qrupları
- I, II, III və IV qruplar
- Əlavə saatlar
- İxtisas fənlərinə həftədə 6 saat
- Sınaq imtahanı
- Ayda bir, şənbə 10:00–13:00
- 2026 məzunları
- 49 nəfər, orta bal 536
Dillər necə qurulub
- Tədris dili
- Uşaq Azərbaycan və ya rus bölməsində oxuyur: bütün fənlər həmin dildə keçir. Bölmə qəbul zamanı seçilir; 4-cü sinfədək dəyişmək olar.
- İkinci dil
- Azərbaycan bölməsində rus dili, rus bölməsində Azərbaycan dili həftədə 2 saat keçir. Rus bölməsinin şagirdləri Azərbaycan dili və tarixini dövlət proqramı ilə oxuyur.
- İngilis dili
- Hazırlıqda hər gün, 1–11-ci siniflərdə həftədə 5 saat. 5-ci sinifdən sinif səviyyəyə görə iki qrupa bölünür; ildə iki dəfə test olur və qrup dəyişmək olar.
- İkinci xarici dil
- 7-ci sinifdən alman və ya fransız dili, həftədə 2 saat. Seçim 6-cı sinfin may ayında edilir.
Pillələr bir cədvəldə
| Pillə | Yaş və ya sinif | Sinifdə | Dərs | İngilis dili, həftədə | Təhsil haqqı, ildə |
|---|---|---|---|---|---|
| Hazırlıq sinfi | 5–6 yaş | 16 şagird | 30 dəq | 4 saat | 6 300 ₼ |
| İbtidai siniflər | 1–4-cü siniflər | 20 şagird | 45 dəq | 5 saat | 7 600 ₼ |
| Orta siniflər | 5–9-cu siniflər | 20 şagird | 45 dəq | 5 saat | 8 400 ₼ |
| Yuxarı siniflər | 10–11-ci siniflər | 16 şagird | 45 dəq | 5 saat | 9 200 ₼ |