Diaqnostika
MRT, KT, rentgen, USM və laboratoriya. Hər müayinənin qiyməti, hazırlığı, nəticənin nə vaxt hazır olduğu və hansı filialda edildiyi.
Həkim göndərişi lazım deyil: istənilən müayinəyə özünüz yazıla bilərsiniz. Nəticəni şərh etmək üçün həkimə də həmin gün yazılmaq olar.
Maqnit-rezonans tomoqrafiya (MRT)
Nəsimi filialında 1,5 Tesla gücündə açıq tunelli MRT aparatı 2019-cu ildən işləyir. Müayinə 20–40 dəqiqə çəkir; qapalı yerdən narahat olanlar üçün tunel qısa və işıqlıdır, otaqda musiqi qulaqlığı verilir.
Hazırlıq
- Metal əşyaları (saat, kəmər, sırğa) çıxarmalı olacaqsınız, əşyalar üçün şkaf verilir.
- Kardiostimulyator, metal implant və ya insulin pompası varsa, yazılarkən deyin: bəzi hallarda MRT etmək olmur.
- Qarın boşluğu MRT-sindən əvvəl 5 saat yeməyin.
- Kontrastla MRT üçün son 30 günün kreatinin analizi lazımdır; burada 1 saata hazır olur.
| Xidmət | Qiymət |
|---|---|
| Beynin MRT-si | 140 ₼ |
| Onurğanın bir şöbəsinin MRT-si | 130 ₼ |
| Diz oynağının MRT-si | 130 ₼ |
| Qarın boşluğu orqanlarının MRT-si | 180 ₼ |
| Kontrast maddə (istənilən MRT-yə əlavə) | 60 ₼ |
- Harada
- Nəsimi
- Nəticə
- Görüntülər həmin gün linklə, radioloqun rəyi 24 saat ərzində
Kompüter tomoqrafiyası (KT)
64 kəsikli KT aparatı 2022-ci ildən Nəsimi filialında işləyir. Müayinənin özü 5–10 dəqiqə çəkir; ağciyər, baş travması və böyrək daşı üçün ən sürətli üsuldur.
Hazırlıq
- Başın və döş qəfəsinin KT-si üçün hazırlıq lazım deyil.
- Qarın boşluğu KT-sindən əvvəl 4 saat yeməyin.
- Hamilə ola bilərsinizsə, mütləq deyin.
- Kontrastla KT üçün 30 gündən köhnə olmayan kreatinin analizi lazımdır.
| Xidmət | Qiymət |
|---|---|
| Başın KT-si | 90 ₼ |
| Döş qəfəsinin KT-si | 100 ₼ |
| Burunətrafı ciblərin KT-si | 70 ₼ |
| Qarın boşluğunun KT-si | 140 ₼ |
| Kontrast maddə (istənilən KT-yə əlavə) | 50 ₼ |
- Harada
- Nəsimi
- Nəticə
- Görüntülər həmin gün linklə, rəy 3 saat ərzində
Ultrasəs müayinəsi (USM)
USM hər üç filialda edilir. Müayinə 15–30 dəqiqə çəkir, rəyi həkim elə orada yazıb əlinizə verir.
Hazırlıq
- Qarın boşluğu USM-indən əvvəl 6–8 saat yeməyin və qazlı içki içməyin.
- Kiçik çanaq və sidik kisəsi USM-i üçün müayinədən 1 saat əvvəl 1 litr su için və tualetə getməyin.
- Qalxanabənzər vəz, süd vəziləri və hamiləlik USM-i üçün hazırlıq lazım deyil.
| Xidmət | Qiymət |
|---|---|
| Qarın boşluğu orqanları | 35 ₼ |
| Qalxanabənzər vəz | 25 ₼ |
| Böyrəklər və sidik kisəsi | 30 ₼ |
| Kiçik çanaq (qadınlar) | 35 ₼ |
| Süd vəziləri | 35 ₼ |
| Hamiləlik, I trimestr | 40 ₼ |
| Exokardioqrafiya (ürək) | 45 ₼ |
- Nəticə
- Rəy müayinədən dərhal sonra
Rentgen və mammoqrafiya
Rəqəmsal rentgen Nəsimi və Xətai filiallarında var, növbə gözləmədən iş saatlarında çəkilir. Mammoqrafiya yalnız Nəsimidədir.
Hazırlıq
- Hazırlıq lazım deyil, yazılmadan gəlin.
- Hamilə ola bilərsinizsə, rentgenoloqa deyin.
- Mammoqrafiyanı menstruasiyanın 6–12-ci günlərində etmək daha yaxşıdır.
Laboratoriya
Qan hər üç filialda götürülür, nümunələr gündə üç dəfə Nəsimidəki laboratoriyaya çatdırılır. Nəticələri SMS-dəki linklə və ya e-poçtla alırsınız, kağız nüsxə qeydiyyatdadır.
Hazırlıq
- Qan analizi səhər, ac qarına verilir: son yeməkdən 8–12 saat keçməlidir, su içmək olar.
- Analizdən bir gün əvvəl spirtli içki və ağır yemək olmasın.
- TSH analizindən əvvəl qalxanabənzər vəz dərmanını içməyin, analizdən sonra için.
- Uşaqlar üçün ayrıca otaq var; 1 yaşadək körpələrdən barmaqdan qan götürülür.
| Xidmət | Qiymət |
|---|---|
| Ümumi qan analizi | 8 ₼ |
| Biokimya paneli, 12 göstərici | 35 ₼ |
| Lipid profili | 20 ₼ |
| TSH | 12 ₼ |
| HbA1c | 15 ₼ |
| D vitamini | 30 ₼ |
| Ferritin | 15 ₼ |
| PSA (ümumi) | 18 ₼ |
| Ümumi sidik analizi | 6 ₼ |
- Nəticə
- Əksəriyyəti növbəti iş günü, D vitamini 2 iş günü
Qan götürülmə saatları
- NəsimiB.e.–Ş. 08:00–12:00, bazar 09:00–13:00
- YasamalB.e.–Ş. 09:00–12:00
- XətaiB.e.–C. 09:00–12:00, şənbə 10:00–12:00
Funksional diaqnostika
EKQ və spirometriya hər üç filialda növbəsiz edilir. Holter və sutkalıq təzyiq monitoru taxılır və ertəsi gün eyni saatda çıxarılır.
Hazırlıq
- EKQ 10 dəqiqə çəkir, hazırlıq lazım deyil.
- Holter taxılan gün duş qəbul etməyin, adi işinizi görün və gündəlik yazın.