Açıq qapı günü 14 noyabrda

14 noyabr, şənbə günü 11:00-⁠dan 14:00-⁠dək məktəb valideynlər üçün açıqdır. Qeydiyyatla gəlmək lazımdır: qruplar 11:00, 12:00 və 13:00-⁠da başlayır, hər qrupda 15 ailəyədək.

Ekskursiya 50 dəqiqə çəkir: ibtidai siniflərin korpusu, laboratoriyalar, kitabxana, yemək zalı və idman zalı. Müəllimlər sinif otaqlarında olacaq. Hazırlıq və 1-⁠ci sinif valideynləri üçün 12:30-⁠da psixoloq Leyla Cəfərova ilə ayrıca görüş var.

Qəbul şöbəsi həmin gün yerindəcə müraciət qəbul edir və qiymətləndirmə vaxtı təyin edir. Ekskursiyalar Azərbaycan və rus dilində keçir; ingilis dilində qrup lazımdırsa, qeydiyyat zamanı qeyd edin.

Yer ayırmaq üçün «Məktəbə gəlin» səhifəsindən qeydiyyatdan keçin və ya qəbul şöbəsinə zəng edin.