Haqqımızda
2014-cü ildə 30 yerlik yeməkxana idik. Bu gün dörd zalımız var, amma mətbəx eyni qaydalarla işləyir.
On iki ildir eyni ocaq
Kəklikotu 2014-cü ildə Xaqani küçəsində 30 yerlik kiçik yeməkxana kimi açılıb. Menyuda cəmi on dörd yemək vardı: hamısı aşpazımız Sahib Quliyevin Şəkidə, anasının mətbəxində öyrəndiyi reseptlər.
2018-ci ildə qonşu binanı da götürüb zalı böyütdük, həyətdə terras açdıq və təndir qurduq. 2022-ci ildə ikinci mərtəbədə banket zalı əlavə olundu.
Restoranın adı çaydan gəlir: açılışdan bəri hər süfrəyə dağ kəklikotusu ilə dəmlənmiş çay veririk. Kəklikotunu hər yay Qəbələnin Laza kəndindən alırıq.
Baş aşpaz
Sahib Quliyev
Şəkidə doğulub, 27 ildir mətbəxdədir. Bakıda üç restoranda işləyib, 2014-cü ildən Kəklikotunun mətbəxinə rəhbərlik edir.
Pitini hələ də özü qoyur: hər səhər saat 6-da 80 saxsı qab ocağa düzülür və günortaya hazır olur. Bitəndə bitir, axşam üçün ikinci dəfə bişirilmir.
Mətbəxin qaydaları
- Ət
- Quzu Şamaxı və İsmayıllı təsərrüfatlarından həftədə üç dəfə gəlir. Dondurulmuş ət istifadə etmirik.
- Kömür
- Kabab alma və gilas ağacının kömüründə bişir. Maye yandırıcı işlətmirik.
- Çörək
- Təndir hər gün saat 10-da yandırılır. Çörək sifarişdən sonra yapılır və 4 dəqiqəyə süfrədə olur.
- Düyü
- Plov üçün uzun dənəli düyü bir gecə duzlu suda saxlanılır, sonra qazmaqla dəmlənir.
- Göyərti və tərəvəz
- Hər səhər bazardan alınır. Mövsümü olmayan tərəvəz menyudan çıxarılır.
- Turşu və mürəbbə
- Hamısını özümüz bağlayırıq: ildə 600 bankadan çox turşu, 11 növ mürəbbə.
Gəlin, özünüz dadın
Piti günortaya hazır olur və adətən saat 3-ə qədər bitir.