Klinika
Klinikanı 2016-cı ildə dermatoloq Səbinə Qasımova açıb. O vaxt kabinet bir idi, həkim də bir. İndi dörd həkim və bir kosmetoloq işləyir, amma qayda dəyişməyib: hər prosedurdan əvvəl həkim baxışı, iynəni isə yalnız həkim vurur.
Biz cərrahi əməliyyat etmirik. Burun, göz qapağı və ya liposaksiya lazım olanda plastik cərraha göndəririk və bunu açıq deyirik.
Bizdə qayda belədir
İynəni həkim vurur
Botulinoterapiya, dolğu, biorevitalizasiya və PRP-ni yalnız dermatoloq-kosmetoloqlar edir. Kosmetoloq baxım prosedurları və lazer epilyasiya ilə məşğul olur.
Preparat sizin qarşınızda açılır
Qutunu və şprisi gözünüzün qarşısında açırıq. Partiya nömrəsi olan stiker kartınıza yapışdırılır, istəsəniz şəklini çəkə bilərsiniz.
14 gündən sonra yoxlama
Botulinoterapiya və dolğudan iki həftə sonra həkim nəticəyə pulsuz baxır. Lazım olsa, botulinoterapiyada korreksiya da pulsuzdur.
Gigiyena
- Hər pasiyentdən sonra masa və aparatın başlığı dezinfeksiya olunur, birdəfəlik örtük dəyişdirilir.
- İynələr, kanyullar və mikroiynələmə kartricləri birdəfəlikdir və sizin qarşınızda açılır.
- Lazer kabinetində pasiyent və həkim üçün ayrıca qoruyucu eynək var.
- Preparatlar soyuducuda, temperatur jurnalı ilə saxlanılır.
Aparatlar
Hər aparat rəsmi distribyutordan alınıb, servis müqaviləsi ilə ildə bir dəfə yoxlanılır.
- Candela GentleMax Pro
- Lazer epilyasiya və damar lazeri: aleksandrit və Nd:YAG dalğaları bir aparatda
- Lumenis UltraPulse
- Fraksion CO2 lazer: akne izləri, çapıqlar, dərinin teksturası
- Candela PicoWay
- Pikosaniyəli lazer: piqment ləkələri, çillər, melazma
- Ultraformer III
- HIFU ilə SMAS-liftinq: çənə xətti, yanaqlar, boyun
- Morpheus8
- Fraksion RF-mikroiynələmə: sallanma, məsamələr, akne izləri
- HydraFacial Syndeo
- Hidropilinq: təmizlənmə, nəmləndirmə, LED
- FotoFinder dermatoskop
- Xalların rəqəmsal xəritəsi və illik müqayisəsi
Ödəniş və taksit
- Nağd və bank kartı ilə ödəniş
- Birbank və TamKart ilə 300 ₼-dən yuxarı kurslara 3–6 ay faizsiz taksit
- Kurs əvvəlcədən ödəniləndə 10% endirim
- Hədiyyə sertifikatı: 100, 200, 300 ₼ və ya istənilən prosedur
Səhiyyə Nazirliyinin tibbi fəaliyyət lisenziyası. Lisenziyanın surəti qəbulda asılıb, istəsəniz administrator göstərər.