Haqqımızda

2009-⁠cu ildə Gəncədə iki işçi və bir otaqla başladıq. Bu gün 12 şəhərdə filialımız, 118 kredit mütəxəssisimiz var; borcalanlarımızın 58%-i Bakıdan kənarda yaşayır.

Gəncədə küçə şahmatı: meydanda oynayan kişilər

Gəncədən başladıq

Rauf Səmədov beş il beynəlxalq mikromaliyyə proqramında kredit mütəxəssisi olub. Bazar tacirlərinə, çörəkçilərə, dərzilərə kredit verib və gördüyü bir şey Dayaq-⁠ın əsasına çevrilib: kiçik biznesin gəliri dəftərdə yox, piştaxtadadır, onu görmək üçün oraya getmək lazımdır.

2009-⁠cu ilin aprelində Mərkəzi Bankdan lisenziya alıb Gəncədə ilk filialı açdıq. Bir il sonra Şəkidə, 2011-⁠də Lənkəranda filial açıldı, fermerlər üçün məhsul yığımına bağlı qrafik 2013-⁠cü ildə başladı. Baş ofis 2016-⁠da Bakıya köçdü.

Necə kredit veririk

Kredit mütəxəssisi yerinizə gəlir
Biznes və aqrar kreditdə qərarı dəftərə yox, dükanınıza, sexinizə, təsərrüfatınıza baxaraq veririk.
Ödəniş gəlirə uyğun olmalıdır
Bütün kreditlər üzrə aylıq ödənişlər xalis gəlirin 45%-ni keçmirsə, krediti veririk. Keçirsə, daha kiçik məbləğ təklif edirik.
Hər şey FİFD ilə yazılır
Saytda, reklamda və müqavilədə faizlə yanaşı faktiki illik faiz dərəcəsi də göstərilir, komissiya daxil.
Gündəlik kredit vermirik
Ən qısa kreditimiz 1 aylıqdır. Gecikmə cəriməsi yalnız gecikən ödənişə hesablanır.

2025-ci il rəqəmlərlə

kredit verilib, cəmi 84,3 mln ₼: 21 640; kredit verilib, cəmi 84,3 mln ₼
orta kredit məbləği: 3 895 ₼; orta kredit məbləği
borcalanların qadın payı: 41%; borcalanların qadın payı
portfelin 30 gündən çox gecikən hissəsi (31 dekabr): 2,9%; portfelin 30 gündən çox gecikən hissəsi (31 dekabr)

Audit olunmuş hesabatlardan. Bütün göstəricilər «Məlumatların açıqlanması» səhifəsindədir.

Məlumatların açıqlanması

Rəhbərlik

Rauf Səmədov
İdarə Heyətinin sədri, təsisçi
2003–2008-⁠ci illərdə Gəncədə beynəlxalq mikromaliyyə proqramında kredit mütəxəssisi olub. 2009-⁠cu ildə Dayaq-⁠ı iki işçi və bir filialla açıb. Kredit siyasətinə və filiallar şəbəkəsinə cavabdehdir.
Nərmin Qasımova
İdarə Heyəti sədrinin müavini, risklər
On iki il bankda kredit riskləri şöbəsində çalışıb. Borc yükü qaydasını və gecikmə ilə bağlı restrukturizasiya prosedurunu o qurub. Kredit komitəsinə sədrlik edir.
Elçin Hüseynli
Kreditləşmə departamentinin direktoru
2011-⁠ci ildə Lənkəran filialında kredit mütəxəssisi kimi başlayıb. Aqrar kreditin məhsul yığımına bağlı qrafikini və qadın sahibkarlara qrup kreditini o hazırlayıb. 118 kredit mütəxəssisinin işini təşkil edir.

Borcalanlarımız

Bank hər ay eyni məbləği istəyirdi, pomidor isə ildə iki dəfə pul gətirir. Burada əsas borcu may və noyabrda verirəm, qalan aylarda yalnız faizi.
Elşən QuliyevLənkəran, Boladi kəndi
Kredit:
Aqrar kredit, 12 000 ₼, 18 ay
Nə alınıb:
İkinci istixana, damcı suvarma və qış üçün qızdırıcı
Nəticə:
İstixana sahəsi 600 m²-dən 1 400 m²-ə çatıb, qış məhsulu da satılır
Beş qonşu qadın qrup olduq, heç birimizdən girov istənmədi. İkinci dövrdə artıq 3 000 manat götürdüm, indi məktəb formasını sifarişlə tikirəm.
Səadət RzayevaŞəki
Kredit:
Qadın sahibkarlara qrup krediti, 2 000 ₼, 12 ay
Nə alınıb:
Peşəkar tikiş maşını və overlok
Nəticə:
Ayda 40 dəst məktəb forması sifarişlə tikilir
Kredit mütəxəssisi arıxanaya gəldi, keçən ilin bal satışına baxdı. Borcu avqust və sentyabrda, bal satılanda qaytarıram.
Kamil BabayevQuba, Qırmızı Qəsəbə yaxınlığı
Kredit:
Aqrar kredit, 4 500 ₼, 12 ay
Nə alınıb:
30 yeni pətək və bal çəkən mərkəzdənqaçma maşın
Nəticə:
Arı ailələri 45-dən 75-ə çatıb