Məzunlarımızın 2026 qəbul nəticələri

Dövlət İmtahan Mərkəzi 2026-⁠cı il qəbulunun nəticələrini açıqladı. 49 məzunumuzdan 47-⁠si universitetə qəbul olundu: 30 nəfər Bakının dövlət universitetlərinə, 6 nəfər özəl universitetlərə, 11 nəfər isə Türkiyə, Macarıstan, Almaniya və Çexiyadakı universitetlərə.

Dövlət universitetlərinə daxil olanlardan 17-⁠si dövlət sifarişli, yəni ödənişsiz yerlərə düşdü. Orta bal 700-⁠dən 536 oldu, 12 məzun 600-⁠dən çox topladı. Ən yüksək nəticə I qrup üzrə 684 baldır.

İki məzun bu il universitetə getmədi: biri kollecdə dizayn oxuyur, digəri bir il işləyib gələn il imtahan verməyi planlaşdırır.

Nəticələri fənn müəllimləri ilə birlikdə təhlil etdik. Bu il 10-⁠cu siniflərdə II qrupun ixtisas saatlarını həftədə 6-⁠dan 7-⁠yə qaldırırıq: məzunlar ən çox balı coğrafiyadan itirmişdi.