Resept · · 4 dəqiqəlik oxu
Narşərabla tikə kababı
Narşərab kababın yanında süfrəyə qoyulur, amma marinada da üç qaşıq qatmaq olar: ət yumşalır, turşməzə dad alır.
4 nəfər üçün · 40 dəqiqə, marinad 4 saat
Lazım olanlar
- 1 kq quzu əti (bud), 4 sm-lik tikələrlə
- 3 soğan
- 5 xörək qaşığı Qudyal narşərab: 3-ü marinada, 2-si süfrəyə
- 1 çay qaşığı duz, yarım çay qaşığı qara istiot
- 1 çay qaşığı sumaq
- Reyhan, şüyüd və bir ovuc nar dənəsi
Hazırlanması
- Bir soğanı sürtgəcdən keçirin, suyunu sıxıb ətə tökün. Duz, istiot və 3 qaşıq narşərab qatın, qarışdırın və 4 saat soyuducuda saxlayın.
- Əti şişlərə düzün, tikələrin arasında barmaq boyda boşluq qoyun ki, hər tərəfdən qızarsın.
- Közün üstündə 12–15 dəqiqə bişirin, hər 3 dəqiqədən bir çevirin.
- Qalan soğanı nazik halqalarla doğrayın və sumaqla qarışdırın.
- Kababı soğan, göyərti və nar dənəsi ilə verin; narşərabı ayrıca kasada qoyun.
Başqa yazılar
Bütün yazılar
Xəbər · · 3 dəqiqəlik oxu
Göyçayda nar mövsümü başladı: zavod gündə 180 tonadək qəbul edir
Göyçay zavodu 1 oktyabrda nar qəbuluna başladı. Qəbul qiyməti, hansı narın qəbul olunduğu və bayram günlərində zavod mağazası.
Resept · · 2 dəqiqəlik oxu
Darçınla isti alma şirəsi
Soyuq axşamlar üçün alkoqolsuz içki: 100% alma şirəsi, əlavə şəkər olmadan, darçın və mixəklə.
Xəbər · · 3 dəqiqəlik oxu
Qapaqdakı kod necə oxunur: butulkanın tarixçəsi bir sətirdə
Yararlılıq tarixinin yanındakı qısa kod məhsulun hansı zavodda, hansı xətdə və hansı gün doldurulduğunu deyir. Saytda isə laboratoriyanın ölçmələri də açılır.