Şəmkirdə 110/35/10 kV yarımstansiya üçün kabel
186 km kabel, o cümlədən 42 km 35 kV XLPE: dörd partiya, hər baraban sınaq protokolu ilə.
Yarımstansiyanın yenidən qurulması üçün 35 kV-luq çıxış xətləri, 10 kV-luq fiderlər və bütün nəzarət kabeli lazım idi. 312 barabanın hamısı zavodda yüksək gərginlik sınağından və qismən boşalma ölçməsindən keçdi; sifarişçinin nümayəndəsi sınaqların üçündə iştirak etdi.
Kabel quraşdırma qrafikinə uyğun dörd partiyada, 11 həftə ərzində çatdırıldı, ona görə obyektdə baraban yığılıb qalmadı. Uzunluqlar xəndəklərin ölçüsünə görə kəsildiyi üçün birləşdirici muftaların sayı layihədəkindən 18 ədəd az oldu.
