Beynəlxalq avtomobil daşımaları
Türkiyə, Gürcüstan, Rusiya, Avropa və Mərkəzi Asiyadan tam maşın və yığma yüklər. 46 dartıcımız tentli, soyuducu və konteyner yarımqoşquları ilə işləyir.
Yükün çoxunu öz 46 dartıcımızla daşıyırıq; hamısı yolda olanda müqaviləli daşıyıcıların maşınlarını sifariş edirik. Tam maşın göndərənin qapısında plomblanır və yolda açılmır. Yığma yük isə İstanbul, Moskva və Nürnberqdəki anbarlarımızda toplanır və qrafik üzrə çıxır.
Xidmətə nə daxildir
- Yükün göndərənin anbarından götürülməsi və ya yığma anbarımızda qəbulu
- CMR qaiməsi, TIR karneti və ya T1 tranzit bəyannaməsi
- Daşıyıcının CMR məsuliyyət sığortası: bir maşın üçün 250 000 €-dək
- Sərhəd keçidləri və terminala çatma vaxtı izləmə səhifəsində qeyd olunur
- Yükləmədə 24 saat, Azərbaycanda boşaltma və gömrükdə 48 saat gözləmə qiymətə daxildir
- Bakıda və bölgələrdə alıcının anbarına çatdırılma
Yarımqoşquların ölçüləri
| Yarımqoşqu | Daxili ölçü, U × E × H | Həcm | Yük | Avropalet |
|---|---|---|---|---|
| Tentli, 13,6 m | 13,6 × 2,45 × 2,70 m | 86 m³ | 22 t-dək | 33 |
| Tentli «meqa» | 13,6 × 2,48 × 3,00 m | 100 m³ | 22 t-dək | 33 |
| Soyuducu, −25…+25 °C | 13,3 × 2,46 × 2,60 m | 85 m³ | 21 t-dək | 33 |
| Konteynerdaşıyan | 20, 40 və 45 futluq konteyner | 33–86 m³ | 26 t-dək | 11–33 |
| Alçaq platformalı tral | Platforma 14,5 m-dək, eni 3,0 m-dək | – | 60 t-dək | – |
İstiqamətlər səhifəsindəki tam maşın qiymətləri 20 t-dək yük üçündür. 20–22 t arası yükü dispetçerlə razılaşdırın: ox yükü həddi ölkələr üzrə fərqlidir.
Tam maşın, yoxsa yığma yük
| Tam maşın | Yığma yük | |
|---|---|---|
| Nə vaxt sərfəlidir | 10 paletdən və ya 5 t-dan | 1 paletdən 9 paletədək |
| Qiymət | Bütöv maşına görə, yükün çəkisindən asılı deyil | Hesablanan çəkinin 1 kq-na görə; 1 m³ 333 kq sayılır |
| Yola düşmə | Yük hazır olan kimi; maşın 24–48 saata qapıda olur | Qrafiklə: İstanbul çərşənbə və şənbə, Moskva və Nürnberq cümə |
| Yolda boşaldılma | Yoxdur, plomb alıcıda açılır | Bir dəfə, yığma anbarımızda |
| Ən kiçik partiya | Məhdudiyyət yoxdur | 1 palet və ya 100 kq |
İstiqamətlər, müddətlər və qiymətlər
Müddət qapıdan qapıya sayılır. Qiymət göstərilən məntəqədən Bakı terminalınadək daşıma üçün təklifin başladığı məbləğdir; dəqiq qiymət yükün çəkisinə, ölçüsünə və tarixə görə verilir.
| İstiqamət | Nə daşınır | Müddət | Qiymət | Yola düşmə |
|---|---|---|---|---|
| Türkiyə | Tam maşın, 20 t / 86 m³ | 6–8 gün | 4 200 $-dan / maşın | Yük hazır olan kimi |
| Türkiyə | Yığma yük, İstanbul anbarından | 8–11 gün | 0,32 $-dan / kq | Çərşənbə və şənbə |
| Gürcüstan | Poti limanından 40 futluq konteyner | 2–3 gün | 1 350 $-dan / konteyner | Hər gün |
| Rusiya | Tam maşın, Moskvadan | 5–7 gün | 3 200 $-dan / maşın | Yük hazır olan kimi |
| Rusiya | Yığma yük, Moskva anbarından | 8–10 gün | 0,28 $-dan / kq | Hər cümə |
| Mərkəzi Asiya | Tam maşın bərə ilə, Daşkənddən | 7–10 gün | 4 600 $-dan / maşın | Yük hazır olan kimi |
| Avropa | Tam maşın, Almaniyadan | 12–16 gün | 6 400 €-dan / maşın | Yük hazır olan kimi |
| Avropa | Yığma yük, Nürnberq anbarından | 16–20 gün | 0,95 €-dan / kq | Hər cümə |
| İran | Tam maşın, Tehrandan | 4–6 gün | 1 900 $-dan / maşın | Yük hazır olan kimi |
Lazım olan sənədlər
- Satıcı ilə müqavilə və invoys
- Qablaşdırma vərəqi: yerlərin sayı, hər yerin çəkisi və ölçüsü
- Göndərən ölkənin ixrac bəyannaməsi
- Mənşə sertifikatı, varsa
- Ərzaq və bitki məhsulları üçün fitosanitar və ya baytarlıq sertifikatı
- Təhlükəli yük üçün təhlükəsizlik pasportu (MSDS) və ADR sinfi
Tez-tez verilən suallar
Maşın göndərənin yanına nə vaxt çatır?
Türkiyə və Gürcüstanda təklifi təsdiqlədiyiniz vaxtdan 24–48 saat ərzində, Avropada 2–4 iş günü ərzində. Dəqiq saatı dispetçer yükləmədən bir gün əvvəl göndərənə bildirir.
Yüküm bir paletdən azdır. Götürürsünüz?
100 kq-dan yığma yük kimi götürürük: İstanbul, Moskva və ya Nürnberq anbarına çatdırmaq kifayətdir. Daha yüngül və təcili yük üçün hava daşıması sərfəlidir, orada minimum 45 kq-dır.
Yük zədələnsə, kim cavabdehdir?
Daşıyıcı kimi biz. CMR konvensiyası üzrə məsuliyyət yükün çəkisinə görə məhdudlaşır, sığortamız bir maşın üçün 250 000 €-dək ödəyir. Kiloqramı baha olan mal üçün yükü tam dəyərinə sığortalayırıq; haqqı təklifdə ayrıca sətirlə göstərilir.
Soyuducu və təhlükəli yük daşıyırsınız?
9 soyuducu yarımqoşqumuz −25 °C-dən +25 °C-dək rejim saxlayır; boşaltmada temperatur çapını təhvil veririk. ADR üzrə 2, 3, 4.1, 5.1, 6.1, 8 və 9-cu sinifləri daşıyırıq. 1-ci və 7-ci sinifləri götürmürük.
Əlaqəli xidmətlər
Gömrük rəsmiləşdirilməsiLisenziyalı gömrük brokeri: idxal, ixrac və tranzit bəyannamələri, XİF MN kodunun seçilməsi, sertifikat və icazələr. Rüsum və ƏDV-ni yük yola düşməmiş hesablayırıq.Bəyannamə 1 iş günündə2025-ci ildə 7 430 bəyannaməBəyannamə 120 ₼-danƏtraflı
Anbar və paylamaBakı terminalında 12 400 m² anbar, ondan 3 200 m²-i gömrük anbarıdır. Saxlama, sifarişlərin yığılması, etiketləmə, mağaza və marketlərə paylama.9 600 palet yeriPalet yeri gündə 0,60 ₼-dan14 yükləmə qapısıƏtraflı
Qeyri-qabarit yüklərEkskavator, transformator, zavod avadanlığı: 3 alçaq platformalı tral, marşrutun ölçülməsi, yol icazələri və müşayiət maşını bizdədir.60 t-dək, hündürlüyü 4,5 m-dəkİcazələr 5–10 iş günüYükün sığortası tam dəyərinəƏtraflı
Yükünüzü yazın, qiyməti 2 iş saatı ərzində bildirək
Haradan haraya, nə, neçə kiloqram və hansı ölçüdə: bu dördü kifayətdir. Beynəlxalq daşımalar şöbəsi iş günləri 09:00–18:00 cavab verir.
Çağrı mərkəzi: hər gün 09:00–20:00