Qan analizinə necə hazırlaşmaq

Hazırlıq ona görə vacibdir ki, eyni insanda səhər ac qarına və nahardan sonra götürülmüş qlükoza və xolesterin bir-birindən xeyli fərqlənə bilər. Həkim nəticəni normaya görə oxuyur, norma isə ac qarına verilmiş qan üçün hesablanıb.

Nə vaxt və necə gəlmək

• Qan analizini səhər, 08:00 ilə 11:00 arasında verin.
• Son yeməkdən 8–12 saat keçsin: axşam yeməyini saat 20:00-dək yeyin.
• Su içmək olar və lazımdır: orqanizmdə su az olanda damarı tapmaq çətinləşir.
• Səhər çay, qəhvə, şirə və saqqız olmasın.
• Analizdən bir gün əvvəl spirtli içki, ağır və yağlı yemək, ağır idman olmasın.

Dərmanlar

Daim içdiyiniz dərmanları özbaşına dayandırmayın. Qalxanabənzər vəzin hormonu (TSH) yoxlanılırsa, səhər dozasını analizdən sonra için. Dəmir preparatları adətən ferritin analizindən 5 gün əvvəl dayandırılır, amma bunu həkiminizlə razılaşdırın.

Uşaqlar

Uşaq üçün uzun müddət ac qalmaq çətindir: körpəni qidalanmadan 3–4 saat sonra gətirin. Uşağa əvvəlcədən nə olacağını danışın. Analiz otağımızda uşaqlar üçün ayrıca kreslo var, qan götürmək adətən bir dəqiqədən az çəkir.

Nəticələrin çoxu ertəsi iş günü SMS-dəki linkə gəlir. Normadan kənar rəqəm görsəniz, narahat olmayın: həkim onu şikayətlərinizlə birlikdə qiymətləndirəcək.