Uşaqda qızdırma: nə vaxt həkimə getməli
Dərc edilib · 3 dəq oxu · Pediatriya
Qızdırma özü xəstəlik deyil: orqanizm infeksiyaya belə cavab verir. Ona görə rəqəmdən çox uşağın özünü necə hiss etdiyinə baxın. 38,5 °C qızdırması olub oynayan uşaq 38 °C ilə süst uzanan uşaqdan daha az narahatlıq doğurur.
Dərhal təcili yardım çağırın (103)
- 3 aylığadək körpədə 38 °C və yuxarı qızdırma.
- Uşaq çətin oyanır, süstdür, sizə reaksiya vermir.
- Nəfəs alması çətinləşib, nəfəs alanda qabırğaların arası içəri çəkilir.
- Üstündən basanda solmayan səpgi.
- Qıcolma.
- 8 saatdan çoxdur sidiyə getmir, ağlayanda göz yaşı yoxdur.
Həmin gün pediatra yazılın
- Qızdırma 3 gündən çox çəkir.
- Qulaq ağrısı və ya boğaz ağrısı ilə udmaq çətinləşib.
- Qızdırma düşəndən sonra yenidən qalxıb.
Evdə nə etmək
Uşağa tez-tez, az-az su verin və qalın geyindirməyin. Parasetamol və ya ibuprofeni uşağın çəkisinə görə verin; həkim deməyibsə, iki dərmanı növbə ilə verməyin. Uşağı spirtlə və ya sirkə ilə silmək olmaz.
Nəsimi filialında bazar günləri də 09:00–15:00 növbətçi pediatr qəbul edir.
Məqalə məlumat üçündür və həkim müayinəsini əvəz etmir.
