· Məsləhət · 4 dəqiqəlik oxu
Paleti necə yığmalı: anbarımızın qəbul qaydaları
Hündürlük 160 sm-dək, çəki 600 kq-dək, strejlə ən azı 4 qat. Bu ölçüdən çıxan palet tarifdən kənar hesablanır.
Ölçüyə uyğun palet ölkədaxili tariflə sabit qiymətə gedir: zonadan asılı olaraq 35 ₼, 55 ₼ və ya 70 ₼. Çeşidləmədə onu yenidən yığmağa ehtiyac qalmır və həmin axşam yola düşür. Aşağıdakılar filialda qəbul edən əməkdaşın yoxladığı şeylərdir.
Ölçü və çəki
- Avropalet: 120 × 80 sm. Başqa ölçülü altlıq həcminə görə hesablanır.
- Hündürlük altlıqla birlikdə 160 sm-dək.
- Çəki 600 kq-dək.
- Qutular altlığın kənarından çıxmamalıdır: çıxan künc qonşu paletə dirənir və əzilir.
Necə yığmalı
- Ağır qutular altda, yüngüllər üstdə.
- Qutuları kərpic kimi, tikişləri üst-üstə düşməyən sıralarla düzün.
- Üstü düz olsun: piramida şəklində yığılmış paletin üstünə heç nə qoymaq olmur.
- Dörd küncə karton künclük qoyun: streç plyonka qutuları əzməsin.
Necə bərkitməli
- Streç plyonka ən azı 4 qat; ilk dolaqlar altlığın özünü də tutmalıdır.
- 300 kq-dan ağır paleti əlavə olaraq iki lentlə çəkin.
- Alıcının şəhəri və telefonu yazılmış vərəqi iki qonşu tərəfə yapışdırın.
Palet qaydadan çıxanda
160 sm-dən hündür və ya 600 kq-dan ağır palet sabit qiymətlə getmir: adi tariflə, çəkisinə və ya həcminə görə hesablanır (1 m³ 250 kq sayılır). Əyilmiş paleti filialda yenidən yığıb streçləyirik: bu, 4 ₼-dır. Anbarda saxlanma üçün hədlər başqadır: palet yeri 180 sm hündürlüyə və 1 000 kq çəkiyə qədər yük götürür.
